據探子回報，剛周二（26日）朝馬會邀請莫雷拉做訪問，據悉官方想他講當時翌晚（27日）頭場熱門「本事」，但雷神認為「本事」餐士不是太好婉拒了，結果險勝。

看官不要為此驚訝，其實過往雷神不只一次同一理由叫官方問第二隻，包括今季有一次呂廐「上海大師」由何澤堯落飛贏完，翌仗帥印轉到莫雷拉手中。

正當馬迷認為他主動索騎這匹新勝馬，賽前馬會訪問雷神，他竟然說該駒機會平平叫主持問第二隻。

結果，「上海大師」跑梗頸四，同場由他騎開的「鞍歌」則換上田泰安贏馬。雷神賽前「判馬」不算獨到，所以馬迷會發覺他時會揀錯馬，尤其是今季。

周日（7月1日）第六場四班1400米，莫雷拉替蔡廐初出馬「智力寶」上陣，以該駒出自名牌倉口兼勝出大閘，加上騎者連上仗由牠開齋的「馬到成功」也不揀，市場目光自然落在「智力寶」身上。

然而剛戰「馬到成功」沿途被頂在三叠也贏，兼且當日對面直路外場地極差，根本屬高難度頭馬，賽後只加六分相當着數，就算「智力寶」真係好，「馬到成功」也勁，一於博雷神判錯馬。

至於與「馬到成功」份屬廐侶的第九場「冰糖葫蘆」，重返田泥一哩兼抽第1檔靚位，誠屬開齋黃金機會。