連日來無法入睡的陳太眼睛滿布紅筋,四十歲的陳太強自壓抑着情緒說:「我知阿星有心求死,佢喺遺書度寫得好清楚,話雖然佢好愛我同個仔,但係佢唔想坐監。」
生前得上司賞識
陳太與丈夫阿星的愛情故事始於八○年,當時兩人在同一音樂中心學結他,相識半年後開始交往,雙方經歷八年愛情長跑,於八八年結婚。
陳太稱,其夫中五畢業後加入民安隊,之後成為華籍英兵,其最大志願是參與紀律部隊工作,遂於九三年轉職懲教署,工作表現一直良好,深得上司賞識及同事愛戴。
稚子常掛念父親
然而,三個月前,阿星牽涉入一宗發生在十年前的殺警案而被停職接受調查,阿星大受打擊,情緒陷入谷底,需要接受心理輔導,並曾向妻子多次透露尋死念頭。上月二十四日,他被妻子發現在懲教署職員宿舍自縊身亡,終年四十二歲。
「嗰刻發現佢嘅情景令我永世難忘,我𠵱家晚晚半夜都會扎醒,我知唔係一年半載可以克服到呢個心魔。個仔都好似知道爸爸唔喺度,好似早幾日我先生生忌,個仔就對住佢張相話:『爸爸,好掛住你,我好乖呀,喺姨姨同姨丈度住,拜拜!』」現與兩歲兒子居於姊姊家中的陳太說。