由朴信惠跟金來沅主演嘅韓劇《Doctors》將於聽日播出第13集，新一集就搵來《Remember-兒子的戰爭》中飾演大奸角嘅南宮民客串。

南宮民今次於劇中飾演冇老婆，獨自撫養兩個仔嘅年輕爸爸，而佢因為孩子生病而來到神經外科，跟朴信惠有對手戲，今次亦係南宮民首次飾演爸爸嘅角色。

南宮民噚日就率先於Instagram公開跟朴信惠嘅合照，留言：「因為身體唔舒服，嚟到神經外科睇醫生。因為醫生太靚，所以要合照一張。」