錢國偉設靈丨姚子羚遺憾未能見最後一面：冇佢就冇今日嘅我
蘋果日報 2020/12/08 23:14
錢國偉姚子羚陳自瑤唐詩詠四葉草
無綫前監製錢國偉（Ｗilson）今年10月因胰臟癌病逝，其遺孀陳宛蔚今日在沙田寶福山為亡夫設靈，錢國偉生前在娛樂圈人緣極好，不少圈中好友現身送別好友。
錢國偉曾為無綫製作多個節目及劇集，有份到場致祭的唐詩詠表示：「我係《四葉草》出身，佢好好，唔會教導我，但我喺佢身上學到拼搏。（算唔算係你恩師？）佢係我伯樂。」
而同為《四葉草》出身的姚子羚及陳自瑤亦有到場致祭，姚子羚情緒低落，更一度落淚，她說：「好多謝Wilson，冇佢就冇今日嘅我。佢畀咗好多機會我哋，我同佢識咗太耐，好遺憾佢走之前唔能夠同佢道別，不過我知道佢就算去咗第二個地方，都會帶畀大家開心同快樂。」
同樣心情沉重的連詩雅則表示：「我出道第2年就發生咗啲事，自己都唔知可唔可以再喺呢一行立足，當時係Wilson搵咗我拍戲（《喜愛夜蒲》系列），當時覺得佢好得意、好畀到人快樂，我自己嗰陣乜都唔識，只有佢搵我拍戲，我自己當時都唔知要做乜，但佢教我好多嘢，教我點樣做得好啲，又好鼓勵我，希望佢嘅家人要好好保重。」
有份到場致祭的唐詩詠表示錢國偉是她的伯樂。
《四葉草》出身的姚子羚及陳自瑤亦有到場致祭。
姚子羚一度落淚。
連詩雅感激當年事業低潮錢國偉找她拍電影。
-----------------------------
《蘋果》英文版免費試睇：了解更多
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！