富士電視台開拍日版《Suits》（金裝律師）安排喺「月9」時段播放，搵嚟織田裕二夥拍尊尼偶像中島裕翔，仲有鈴木保奈美參與演出，造就《東京愛的故事》拍檔相隔27年再度合體。

日版《Suits》開播前話題十足，不過成績未如預期，平均只得10%收視，而富士於本月中為劇集舉行嘅煞科宴都勁縮皮。據雜誌《週刊女性》報道，劇集煞科宴於本月中在表參道嘅餐廳舉行，有參加者話現場大部份都係意粉同薯仔呢啲飽肚嘅食物，肉類份量唔多，好快就冇晒，簡直同一般大學生開嘅派對冇分別。報道又話一般煞科派對會搞兩場玩通宵，不過當日第二場去咗卡拉OK店，玩咗約一個半小時就散場，完場時都趕到尾班車返歸。

精選娛聞，喺晒《娛果》
http://fb.com/appledailyent