韓國男團BEAST自從上月同合作7年嘅CUBE事務所滿約，佢哋去向有好多唔同揣測，繼早前有傳佢哋獲香港娛樂公司投資自組個人公司後。

近日又有指BEAST有機會重回CUBE懷抱，噚日韓國傳媒又報道BEAST會喺呢個星期完成同新公司簽約，由於BEAST個名已被CUBE註冊擁有，所以BEAST就會喺佢哋人氣歌中嘅歌名揀一個作為之後嘅隊名。

而CUBE方面噚日回應傳媒時就話：「成員同新經理人公司簽約嘅情況，暫時冇法得知，但係知道嘅係目前正是討論簽約階段，但佢哋仍未決定。」雖然BEAST動向仍屬未知之數，但外界都估計佢哋應該唔會再同CUBE續約。