當年今日

「冇所謂,呢度咁大!」
章小蕙出席酒會唔怕撞正阿B

蘋果日報 2002/08/07 00:00


章小蕙昨日往君悅酒店出席中大娛樂上市祝捷酒會,她身穿低胸吊帶裙搶盡風頭。有指其前夫鍾鎮濤(阿B)也會到場,但章小蕙說:「冇所謂,呢度咁大。」
章小蕙、李麗珍、許愿、曾志偉和趙金卿等人,昨晚在灣仔君悅酒店出席中大娛樂控股有限公司上市祝捷酒會,趙金卿是該公司的獨立非執行董事。其中章小蕙身穿低胸吊帶裙示人,搶盡風頭。

低胸裙三千五
章小蕙透露所穿低胸裙牌子是KatayoneAdeli,價值三千五百元,她說:「係趙金卿叫我嚟,我同佢好熟,佢叫我着靚啲吖嘛,九六年佢重介紹陳伯(富豪風水師)畀我識。我着呢件衫冇得打底,要用兩邊手臂夾住。」
記者指章小蕙的低胸裙十分性感,與她同枱食飯的男士豈不是眼福不淺?她說:「係吖,我自己就唔抵,人哋就抵咯!」問章小蕙可知前夫鍾鎮濤亦可能會到場,她說:「冇所謂,呢度咁大,佢(指主人家趙金卿)識做㗎啦!」

李麗珍不耐煩
而過氣夫妻李麗珍許愿原本有可能碰面,但當李麗珍知道前夫許愿會到場,即掉頭離開,許愿和陳豪聯袂到場,和李麗珍到場時間前後相差兩分鐘,二人沒有碰面;李麗珍到場和趙金卿影相後,趙金卿在珍妹耳邊講了一句話,李麗珍便掉頭離場。
問李麗珍是否因知道許愿在場所以走,她不耐煩說:「唔係,我去食嘢啫!我會返轉頭。」而許愿則說:「我唔知佢嚟,我啱啱先同佢通過電話,因為有朋友喺泰國結婚,所以我同佢講下個禮拜個女要佢湊住先。」
此外,曾和趙金卿拍拖的亞視藝員甄志強和男模侯維德,亦有到場,甄志強笑說:「我專登嚟捧趙小姐場,都係掹車邊、搵飯食啫!」問小強可見過趙金卿的新男友,他說:「我冇見過,呢啲嘢你哋問番佢啦!」