因嚴重燒傷由安徽來港求醫的母子王平和石瑞，經過近兩個月的治療後，情況有明顯改善，醫生擬定於日內讓他們先行回鄉休養，預計半年至九個月後再來港接受第二階段的治療。

主診醫生金永強表示，兩母子各經過一次大手術及連月來的激光護理、物理和職業治療後，無論器官修復、外觀以致疤痕增生的情況均有明顯改善，進展令人滿意。

半年後繼續治療
他說：「媽媽（王平）嘅鼻哥以前呼吸唔到、嘴巴張唔開，𠵱家已經冇問題；至於仔仔（石瑞），𠵱家佢隻左眼都可以合得埋，嘴巴亦張得比以前大，而佢哋臉上嘅疤痕同樣改善咗好多，暫時未見再有增生嘅迹象，我相信𠵱家係適當嘅時候畀佢哋返屋企休養。」金醫生建議，兩人回鄉後應繼續接受物理及職業治療，以確保康復進度。
惟鑑於王平雙耳經常發炎流膿，金醫生認為在經濟及環境許可下，有必要進行第二階段的治療。「𠵱家佢雙耳剩低嘅一部份軟骨，主要被好厚嘅疤痕圍住，令到佢嘅耳孔變得好窄好細，咁樣會好容易藏污垢引致發炎，有需要改善一下；另外，仔仔亦可以進一步幫佢放鬆手部嘅疤痕，等佢可以活動得靈活啲，同埋改善吓佢嘅外觀，包括為佢種髮。」他預計，有關手術可於六個月至九個月後展開。