烏克蘭記者VitaliiSediuk去年6月因在電影《黑魔后：沉睡魔咒》（Maleficent）首映中偷襲畢彼特（BradPitt）而被控恐嚇及襲擊等四項罪，被判3年緩刑、20日社會服務令兼要見心理醫生，亦被電視台辭退。不過佢依然未知驚，成日偷襲明星嘅佢今次睇中澳洲索模MirandaKerr為整蠱對象。
Miranda噚日喺巴黎出席時裝周，着到靚靚嘅佢一落車就被記者包圍，佢身邊都有幾個保安保護佢。不過着得好誇張嘅Vitalii就睇準時機，成功突圍埋Miranda身，仲偷咀咗Miranda臉一啖。令本來好專心擺甫士影相嘅Miranda驚一驚即刻縮開，保安即上前推開Vitalii。Miranda冇露出厭惡表情，只瞪大對眼繼續微笑。