噚日買咗個新嘅又貴貴哋嘅透薄粉餅，今日搽完成個人都靚晒。點知晏晝食完飯補粉時，唔小心跌咗個粉盒落地，裏面個粉餅當堂碎開一嚿嚿。＞-＜"
同事扮靚精Stephanie即刻話：「我有兩個辦法，可以將嚿粉餅回復原狀。」佢話一係再揼到有咁碎得咁碎，然後鋪番落個粉盒入面，再喺上面鋪張保鮮紙，搵嘢㩒實佢，佢仲話：「㩒實佢先可以將水份、空氣等等壓返出嚟。」
至於另一個方法，就係用條新嘅絲襪包住啲粉，然後將佢放返入粉盒；當你要用嘅時候，攞個粉撲沾吓啲碎粉，因為絲襪窿夠細嘅關係，所以好容易沾到粉。好嘢！我個粉底有救嘞！(^＿^)
逢周一至周四刊出