【禁忌之林】BNO廢老的勝利（林忌）
蘋果日報 2019/12/06 16:00
林忌禁忌之林廢老專欄BNO人物
早排同事食Lunch，成班喺度討論BNO。
「BNO？有咩用？唔係政府話只係一本旅遊證件，又話出事英國政府唔理咩？做咩個個爭住申請？」廢老問。
「共產黨你都信？特登搵班友唱衰咋，畀人踢爆係假新聞好多次啦！」後生仔說。
「續本BNO要千幾蚊，我用特區護照好過啦！四百六咋！」廢老說。
「一本護照用十年，就當每年一嚿水，出事搵英國幫，好過搵中國幫，旅遊保險一次都幾嚿水啦，你識唔識計數？」後生仔反問。
「但係我唔識英文喎！」廢老擔心說。
「但你普通話爛到我都聽唔明喎！」後生仔答。
討論的結果當然是浪費地球資源，廢老都係繼續用特區護照；而後生仔，就在千辛萬苦從家中父母的餅乾盒內，找回過期BNO成功續了期。
最近英國自民黨話要幫BNO平權，後生仔好開心；再睇到英國人權團體「香港觀察」放風，話BNO可能可以恢復居英權，後生仔心諗：「睇班廢老今次講乜！」
又食Lunch，再次討論BNO。
「世界變啦！BNO平權啦！BNO會得到居英權呀！你哋續咗未呀？」
「好似話CUKC只限1982年12月31日或以前出世先有喎！」
「後生仔你邊年出世？咩話？1983年2月？唉呀，真係唔好意思，遲咗幾個月呀！我1961年出世，應該好穩陣。」
「你起碼都仲有BNO呀！我父母愛國愛黨，鬧美英帝國主義鬧足咁多年，從來都冇申請過呀！」
「你哋冇呀？但班藍絲有呀，我嗰個哎呀表哥咪當差囉，佢哋一家都有BNO呀！」
後生仔不甘心，後生仔覺得很氣憤，後生仔質問為何世界如此不公平。
收成期廢老回答：「因為你遲出世囉！」
「X！我出世就遇到中英談判，我中學就主權移交負資產，我大學就沙士，公平咩？」後生仔忍唔住爆粗問。
廢老A答：「公平？咩叫公平？三十年前求其買層樓，今日賣出去就過千萬，足以移民全世界養老！你班廢青要做幾多年先有？你睇下在倫敦仆街嗰個肥婆驊，四億物業在手，又忘記申報利益又僭建，吹咩？」
廢老B加把嘴：「嗰個話『當大家都120歲，60歲是中年』，自稱IQ160的奴隸局局長羅致光，佢連燒烤所產生的二噁英，遠遠高過催淚煙都講得出口！更加唔好提嗰班獻世派，有個話爭取『港鐵加開列車去北極（North Pole）』嗰個，連任區議員；冇常識上電視教人『北極人少企鵝多』嗰個，選到立法會議員仲做到律師張X鈞，至於把少數族裔（ethnic minorities）串錯成『道德小眾』（ethic minorities），把示威者 （Protestors/Protesters）英文寫成基督新教徒（Protestants）嗰個李慧琼子，做立法會議員之外，甚至做過行政會議成員㖭！公平？幾時輪到佢哋上位呀？貪佢哋夠廢易控制咋！』
廢老C繼續說：「警署強姦案？幾十年都冇聽過，當唔知，就會唔存在，蔣麗芸係我偶像呀！至於你哋成日笑嗰個林鄭，唔識用八達通？晚黑唔知邊度買廁紙？我用收租嘅錢，請你班廢青做咪得囉；你班友成日鬧林鄭？知唔知佢係我偶像呀！成件上，我都一樣食得落呀！」
後生仔雙手拍枱，憤怒地問：「知唔知點解香港今日搞成咁？就係因為你班廢老好廢，以及好自私呀！我哋就打生打死，你哋就收成期！」
廢老D答：「係都冇辦法，呢個世界就係咁唔公平；你可以選擇同全世界攬炒，包括同你自己都過唔去；你可以選擇同你憎的人攬炒，迫使對方讓步遷就你；但係你想攬炒成功，最終都要靠我哋班廢老的支持，因為無論錢或人，你都唔夠我哋多呀，因此你咪要『不割席』，先有得贏囉！最終甚至可能BNO拎居英權，都要靠我哋老人家再傳畀你哋呀，明冇？呢個就係好殘酷的現實，無論你鍾意定係唔鍾意……」
「BNO？有咩用？唔係政府話只係一本旅遊證件，又話出事英國政府唔理咩？做咩個個爭住申請？」廢老問。
「共產黨你都信？特登搵班友唱衰咋，畀人踢爆係假新聞好多次啦！」後生仔說。
「續本BNO要千幾蚊，我用特區護照好過啦！四百六咋！」廢老說。
「一本護照用十年，就當每年一嚿水，出事搵英國幫，好過搵中國幫，旅遊保險一次都幾嚿水啦，你識唔識計數？」後生仔反問。
「但係我唔識英文喎！」廢老擔心說。
「但你普通話爛到我都聽唔明喎！」後生仔答。
討論的結果當然是浪費地球資源，廢老都係繼續用特區護照；而後生仔，就在千辛萬苦從家中父母的餅乾盒內，找回過期BNO成功續了期。
最近英國自民黨話要幫BNO平權，後生仔好開心；再睇到英國人權團體「香港觀察」放風，話BNO可能可以恢復居英權，後生仔心諗：「睇班廢老今次講乜！」
又食Lunch，再次討論BNO。
「世界變啦！BNO平權啦！BNO會得到居英權呀！你哋續咗未呀？」
「好似話CUKC只限1982年12月31日或以前出世先有喎！」
「後生仔你邊年出世？咩話？1983年2月？唉呀，真係唔好意思，遲咗幾個月呀！我1961年出世，應該好穩陣。」
「你起碼都仲有BNO呀！我父母愛國愛黨，鬧美英帝國主義鬧足咁多年，從來都冇申請過呀！」
「你哋冇呀？但班藍絲有呀，我嗰個哎呀表哥咪當差囉，佢哋一家都有BNO呀！」
後生仔不甘心，後生仔覺得很氣憤，後生仔質問為何世界如此不公平。
收成期廢老回答：「因為你遲出世囉！」
「X！我出世就遇到中英談判，我中學就主權移交負資產，我大學就沙士，公平咩？」後生仔忍唔住爆粗問。
廢老A答：「公平？咩叫公平？三十年前求其買層樓，今日賣出去就過千萬，足以移民全世界養老！你班廢青要做幾多年先有？你睇下在倫敦仆街嗰個肥婆驊，四億物業在手，又忘記申報利益又僭建，吹咩？」
廢老B加把嘴：「嗰個話『當大家都120歲，60歲是中年』，自稱IQ160的奴隸局局長羅致光，佢連燒烤所產生的二噁英，遠遠高過催淚煙都講得出口！更加唔好提嗰班獻世派，有個話爭取『港鐵加開列車去北極（North Pole）』嗰個，連任區議員；冇常識上電視教人『北極人少企鵝多』嗰個，選到立法會議員仲做到律師張X鈞，至於把少數族裔（ethnic minorities）串錯成『道德小眾』（ethic minorities），把示威者 （Protestors/Protesters）英文寫成基督新教徒（Protestants）嗰個李慧琼子，做立法會議員之外，甚至做過行政會議成員㖭！公平？幾時輪到佢哋上位呀？貪佢哋夠廢易控制咋！』
廢老C繼續說：「警署強姦案？幾十年都冇聽過，當唔知，就會唔存在，蔣麗芸係我偶像呀！至於你哋成日笑嗰個林鄭，唔識用八達通？晚黑唔知邊度買廁紙？我用收租嘅錢，請你班廢青做咪得囉；你班友成日鬧林鄭？知唔知佢係我偶像呀！成件上，我都一樣食得落呀！」
後生仔雙手拍枱，憤怒地問：「知唔知點解香港今日搞成咁？就係因為你班廢老好廢，以及好自私呀！我哋就打生打死，你哋就收成期！」
廢老D答：「係都冇辦法，呢個世界就係咁唔公平；你可以選擇同全世界攬炒，包括同你自己都過唔去；你可以選擇同你憎的人攬炒，迫使對方讓步遷就你；但係你想攬炒成功，最終都要靠我哋班廢老的支持，因為無論錢或人，你都唔夠我哋多呀，因此你咪要『不割席』，先有得贏囉！最終甚至可能BNO拎居英權，都要靠我哋老人家再傳畀你哋呀，明冇？呢個就係好殘酷的現實，無論你鍾意定係唔鍾意……」