【亂噏24】黎智英（肥佬黎）上星期重提陶傑「廁紙包頭」都市傳說，明挫才子銳氣，兩人在錄影室針鋒相對，火藥味濃。本星期《亂噏24》繼續由陶傑擔任嘉賓，節目今日起至周五每日播兩集，讀者可於《蘋果動新聞》網頁觀看，也可登入 http://bit.ly/appletalk24重溫，足本版於周四晚11時播出。

充滿怒氣

電影《愛．尋．迷》不乏激情戲，陶傑認為做人最緊要有激情，否則甚麼事也做不成。肥佬黎卻揶揄才子：「我睇你寫嘢，文筆係好好，但我睇唔到激情喎！」此話擊中陶傑死穴，他反應極大的說：「喂我冇激情？我激到你《爽報》俾人告，罰十幾皮嘢！」肥佬黎始終認為他寫的文章不能感動別人。陶傑意興闌珊，只道出寫文章也要看時勢，現在年輕人連樓也買不到，寫兒女私情的文章已不合時宜。
肥佬黎說：「有愛情就唔使樓唔使車啦！」陶傑冷言回敬：「得！冰島就得，港島就唔得。香港最慘就係呢樣嘢，好多人權被剝奪咗，好似愛情嘅權利。條女唔係唔愛我，愛得嗰六個月就要諗跟咗你之後點。明明有愛情，但俾樓市統統摧殘晒！」言語間，完全感受到陶傑對社會的怒氣。
撰文：馮國康