謝霆鋒03年就初嘗做老闆滋味,在香港創辦咗PO朝霆後期製作公司,聽聞公司營利唔錯,帶挈賺大錢。今日有內地報道話,霆鋒睇準內地巿場,但今次唔係做製作,而係計劃喺內開經理人公司培育新人,又話霆鋒有呢個計劃全因之前喺內地為節目《快樂男聲》擔任評委時,覺得內地新一代充滿潛力,好多可塑性新人,故有此大計。
至於邊個內地藝人會成為霆鋒旗下頭炮?係唔係王菲呢?唔使諗啦,霆鋒心目中已有人選,早前佢為《快樂男聲》任評委時認識參賽者歐豪,仲推薦歐豪唱佢主演電影《救火英雄》主題曲《愛最大》國語版,所以人選呼之欲出,歐豪亦曾於微博公開多謝霆鋒嘅提拔。
新公司成立後,會簽兩男兩女嘅新人,三年至少保證五部電影同兩張唱片。內地市場咁大,冇難度,只係反映咗霆鋒真真正正已經成為咗強國人喇。