郭可盈、官恩娜、楊婉儀、吳卓羲及馬德鐘等,昨日在將軍澳電視廣播城出席無綫新劇《酒店風雲》的拜神儀式,Winnie自言心情十分緊張,她說:「其實我同老公都好開心,我哋本身都有計劃準備生BB,不過今次都算係一個驚喜,同埋係一份好好嘅聖誕禮物。」
生男生女冇所謂
Winnie認為生仔或生女都沒有所謂,最重要身體健康,她透露老爺奶奶亦十分開心,Winnie說:「BB嘅中文名會由老爺奶奶改,英文名就我同老公改。」問Winnie會否拍完該劇後便開始安胎,她說:「咁我預產期係六月,呢套劇一月中就拍完,到時重有幾個Show要做主持,之後先會正式休息,咁我返工都會好開心,又可以見吓啲朋友,如果唔係留喺屋企成日諗好多嘢。」
Winnie榮升準媽媽,未知郭可盈會否為丈夫林文龍生BB呢?她說:「拍完呢齣劇之後三月又開新劇,所以生BB都唔會刻意去諗,可能突然間話生都唔出奇。」
短裙拜神甚搶鏡
此外,官恩娜昨日穿上短裙出席拜神儀式,連郭可盈亦禁不住大讚對方性感,提到官恩娜被某雜誌選為平安夜失身情人第一名,她說:「多謝佢哋揀我,咁我又唔會覺得鹹濕,順眼先會有人欣賞,不過搞到啲工作人員𠵱家成日笑我。」
採訪:王崇穎 攝影:葉君海