當年今日
關於我們

【短片】【限量有售】王喜去旺角掃朱古力:平!

蘋果日報 2014/11/28 06:00

蘋果王喜消費旺角即時亞皆老街前警員

早前特首梁振英呼籲大家在清場後落去消費,港人一呼百應,旺角街頭人頭湧湧,連日旺角形勢日益險峻,晚上逾過千警力佔領旺角,當發現有「逛街」市民行慢啲、戴口罩或者眼望望,即出動警棍驅趕市民,隨時變「浴血街頭」兼被捕。

雖然會有「浴血街頭」危險,但仍然有市民響應特首呼籲,落旺角「鳩嗚」,當中包括退役警察王喜,連日來,王喜都有喺facebook轉貼警方喺旺角執法新聞報道(新聞連結: http://bit.ly/1uOH2rV )。

至噚晚十點幾,王喜喺facebook貼咗張圖,話某品牌朱古力大減價,仲話:「亞皆老街橫丁~~~~平!」仲話係限量有售,未知王喜當時係咪響應特首呼籲,身在旺角消費,而且有特價,港人覺得係咪好吸引呢?

事實上,王喜早前就發生7名警員涉毆曾健超一事,曾喺facebook留言,曾回想當年在警察學堂受訓的情況,王喜引述當時教官的訓示,表示表明一個警員做錯,就等於整個警隊做錯的警隊精神,又指教官當年教學員:「對付街外人,只要有手照、夠料嘅話就法庭見,否則,就當佢唱歌,今時唔同往日,皇家香港警察再唔係有牌爛仔」。

至近日,王喜更喺facebook表示,約咗一班舊同袍飯聚,當晚更正係警方用武力「協助」執達吏於旺角清場的第一天。當時王喜寫道:「飯聚地點選定界限街警察俱樂部的中餐廳。開玩笑問:『會唔會拒絕我入境㗎?』某同班回:『你唔好撐住黃雨傘入就無事。』回:『哈,試下先。』」雖然王喜當時只是開玩笑,不過最後他留言感慨道:「我已經察覺得,不知不覺間,已移居平壤。」