當年今日
關於我們

【劉偉強生日】聞周董快做老竇 壽星佬劉偉強:叫佢生多啲

蘋果日報 2015/04/04 06:00

蘋果香港生日周杰倫西貢劉偉強生仔太太即時生女賭城風雲甄珍匡湖軒

導演劉偉強今日55歲生日,如往年一樣,喺西貢匡湖軒舉行生日派對,以自助餐BBQ形式舉行,邀約三百個賓客出席,包括圈中人﹑舊同學及親朋戚友,林嘉華﹑何華超﹑葉童夫婦﹑曾國祥及女友王敏奕等先後到場。

而壽星佬劉偉強近七點左右,拖住太太到場,問佢有乜生日願望?劉偉強話:「身體健康,愈來愈後生。」問到今晚生日P有乜主題?劉表示:「因為咁啱拍《賭城風雲》,所以整返一個呢啲主題。(請周潤發嚟?)你哋請佢嚟啦,今晚個Party都係食飯飲酒,搵個藉口同機會同朋友食餐飯。」

至於想收乜嘢生日禮物?劉說:「身體健康,自己同老婆仔女都係,身邊朋友健康,嚟緊開《賭城風雲3》,希望拍攝順利。」問到老婆有冇畀驚喜?劉笑言:「冇呀﹗(錫一啖都有啩?)成日都錫啦﹗」講到今日有乜朋友出席?佢話好多人都會嚟,之前佢已收到甄珍姐姐送贈嘅花。

咁準爹哋周杰倫有冇向佢講恭喜說話?劉偉強表示:「我應該恭喜佢至啱,因為佢老婆有BB。(周董話想生五個?)叫佢生多啲,我都有四個。」係咪早知昆凌有BB?劉說:「都feel到囉,佢結得婚都係想生仔嘅,我就鍾意女。不過自己生咗三個仔,希望佢生女先囉﹗」