當年今日

【韓流】事業同愛情點揀?宋承憲:我會選擇愛情

蘋果日報 2015/09/30 06:00

蘋果電影香港武漢韓國劉亦菲宋承憲上海即時見面會第三種愛情

韓國男星宋承憲同內地女星劉亦菲嘅定情電影《第三種愛情》日前已經喺內地上映,宋承憲亦都暫時放低喺韓國嘅工作,飛咗去內地四處做宣傳,佢已先後喺內地多個城市為電影造勢,噚日又到上海搞見面會,今日又轉場去到武漢,認真頻撲。

宋承憲喺噚日嘅見面會上,被主持人問到喺現實生活中佢會唔會好似電影中男主角一樣無所畏懼咁面對愛情?宋承憲即時二話不說話:「現實中嘅我同角色還是有區別,我本人有好多不足嘅地方,亦都冇咁完美,但係如果喺愛情同事業中畀我選擇,我會選擇愛情。」接下來又有記者問宋承憲係唔係打算以後將事業重心放喺中國,宋承憲就話因為現時中韓合拍片越來越多,只要能夠拍到好嘅作品,佢覺得邊到都係一樣。

另外,喺見面會上,宋承憲好親民,不時拿出自拍神棍同粉絲影合照,見到現時小朋友亦即時攬住佢合照,0氹得在場粉絲好鬼開心。而截至噚日電影嘅累積票房有約5,438萬人民幣。

而宋承憲的女人劉亦菲同男友好有默契,噚日亦都喺微博上載照片,當中佢又係同男友一樣拿住自拍神棍同粉絲影合照,之後留言:「快因為你們而熱淚盈眶,當無數用手機閃光閃起的螢光棒,當你們亮晶晶的目光投向我,當你們舉起ccIloveu的氣球橫幅,這一切的疲憊都值得。你們懂我就夠了,也感謝鄒雨來過我的生命。」