Mother'sDay$2,880買PRADA冧媽打
最後一次召集!尚未買母親節禮物嘅囝囝囡囡,你得番一日時間咋!送乜嘢畀老媽子好?每年一束鮮花,未免太行,食飯又嫌未夠喉,講到底,實用又唔算太貴嘅Gift,手機係首選之一;針對唔同需要,選擇可變化萬千,有冇對號入座,就睇你了解自己媽咪有幾深喇!
記者:陳國輝
攝影:王文忠
Model:Kitty&
[email protected]天下間有幾多女性對名牌嘅鍾情度會係零?尤其識得打扮,追上潮流嘅媽咪,睇見手機上印住PRADALogo,仲唔立即笑到嘰嘰聲?最新又抵玩,肯定係PRADA二代目——LGKF900,佢採用黑色鋼琴面以及金屬感極重嘅Keypad,設計同周遭款式好有出入,另外跟機附送勁硬淨手機皮套,襟唔襟用係其次,至緊要拎出街夠特別,潮媽實鍾意!
咪諗住PRADA嘢必定貴,原來水、行上落差價好嚇人,多達$3,400!基本水、行功能完全冇分別;不過當然,好多潮媽都特別鍾意行貨,多咗原廠保養嘛,點揀?你諗你喇!
■PRADA最叻設計皮具,KF900亦跟隨送仿皮手機套。
陪老竇出門,絕大多數都係飲吓茶,或者到外地旅遊;陪老媽子又唔同,經常見好多兩母女齊齊Shopping搶平貨!坊間竟有手機為二人同行而設,索愛最新金沙色W595配雙耳筒分頭插,最過癮佢可以分一半畀人聽歌,唔使爭。
■兩母女行行吓覺得悶,不妨Share耳筒聽歌,增進感情。
■雖然盒內附送分頭插,但跟機只得一隻耳筒,唔多夠喉。
手寫係大趨勢,尤其對媽咪級用家,未必個個識五筆,加上按鍵細粒,隨時加深老花問題。買手寫電話,可選較新嘅Nokia6208,佢勝在屏幕幾闊,而且支Stylus大大件,寫SMS都輕鬆好多。
慳家絕技之一,就係一部手機兩份用;講緊嘅係由山寨廠發揚光大嘅雙卡雙待功能!K-TouchA665屬於千元入門機,機身薄、重可以同時放入你同媽咪張SIM卡,一部電話齊齊用。
■市面唔少雙卡手機,但搵部咁薄又千零蚊貨色,選擇唔多。
其實針對老人家嘅分唇,數來數去得一兩招,而LGKF-300則似針對呢群用家而設計。Menu特別配置字型選擇,字體由1級到5級,放到最大,畫面只顯示4行文字,水貨仲質低至$800樓下,後生媽咪可選用Pink色。
針對工作或家務非常繁忙嘅媽咪,Philips早前推出
[email protected]長氣系列手機X520,講到備用時間先至得人驚,竟多達15日,而X520底部仲可以放一粒AAA電池作為Backup,即係話鋰電玩完都唔緊要,仲有後備咁解!