當年今日
關於我們

【送碟變硬銷】擬將「蜜蜜送」名額加碼 田蕊妮預一年時間宣傳

蘋果日報 2019/03/04 15:50

田蕊妮孫耀威馮允謙

田蕊妮今日到新城宣傳新碟《Saturnian》,之前因為一直要拍劇和放新年假,近日才開始宣傳。她感恩之前未有太多宣傳,但新碟銷量成績仍不錯,她希望加把勁宣傳,令成績更上一層樓,她說:「好似我40歲仲可以出到實體碟,係好難得,我定咗用一年時間去做,我好有信心,暫時聽到大家回應都讚好。」
為求答謝購買實體碟歌迷,她今日會返公司開會,有意加推「阿田蜜蜜送」名額以及去唱片舖搞簽名會。她透露已自掏腰包買了20隻碟送給親朋,但每個人收到碟都付款給她,阿田尷尬說:「搞到我有啲唔好意思,另外好多朋友支持,好似Ali(李佳芯)話要10隻,我話不如我送一隻畀妳,但佢話真係要10隻再送畀人。」
得知同唱片公司的孫耀威開live兩小時賺7位數,她即笑指準備100隻新碟給孫耀威幫襯,問到會否想開live唱歌?她說:「我要搵個人壯膽,或者黐住孫耀威開先,又或者搵坤哥(吳業坤)幫我伴奏,不過就唔畀佢上鏡。」
另外,馮允謙今日亦到新城宣傳新歌《聲音導航》,相隔三年再推出新歌,之前因為跟舊公司合約關係,一段時間內未能出新歌,加上電視曝光度減少,頓時似消失一樣。馮允謙坦言那段時間情緒低落兼迷茫,問到是否被大台雪藏?他說:「都算係,不過都要多謝舊公司,如果唔係都冇巨聲幫,更冇我。」
失意期間,馮允謙選擇離開香港傷心地,到東南亞遊歷,啟發寫歌靈感,新歌也是這段時間內創作出來。至於被雪期間,雖然大台仍有為他接基本騷,但當然不夠生活費,要靠積蓄、幫人寫歌及到父親的傢俱店幫手打工,最後發現自己最愛仍然是音樂,幸好遇上新公司再重新出歌。
精選娛聞,喺晒《娛果》
http://fb.com/appledailyent
3月7日《動腦Q馬拉松》
一日玩11場 全日派22萬
12:30pm-10:30pm
Let's QQQQQQQQQQQ the money!
http://bit.ly/2ICO2Mb
第二屆最港電影大獎投票網址
https://bit.ly/thekongestfilmawards2018
empty
田蕊妮今日為新碟宣傳。
empty
田蕊妮指很多朋友都捧場,所以有意將「阿田蜜蜜送」名額加碼。
empty
馮允謙之前因為跟舊公司合約關係,一段時間內未能出新歌。
empty
問到是否被大台雪藏?他說:「都算係,不過都要多謝舊公司,如果唔係都冇巨聲幫,更冇我。」