【韓流】拍畢成年!T.O.P 金秀賢新片上映有期?
金秀賢T.O.PReal失控•幽靈飛車
由韓國男神金秀賢主演嘅新片《Real》,去年6月已經完成所有拍攝工作,不過電影一直上映無期,早前有報道指《Real》將於今年6月上映,但又指因電影有中資嘅阿里影業投資,因近日中韓反目,令到電影公映有隱憂。
而今日根據韓國方面相關電影人士透露,《Real》嘅發行商就計劃安排電影於今年6月中旬上映,現時正制定及整理緊時間表。
另外,由韓國天團BIGBANG嘅成員T.O.P同張栢芝主演嘅中德合拍片《失控•幽靈飛車》去年5月煞科,原定於去年12月喺大陸上映,不過直到0依家都未上映,外界都猜測因為「禁韓令」影響電影嘅上映日期,但電影已拍畢多時,就連男主角T.O.P亦已於今年2月入伍。而噚日製作組方面就公開咗《失控•幽靈飛車》嘅海報同劇照,唔少粉絲都留言問到底電影幾時上,同時又留言話係唔係要等到T.O.P退伍先上映?
《蘋果》第十二屆金話梅電影選舉(Golden Plum)又嚟喇!由今日起,請在以下網址( http://campaign.appledaily.com/goldenplum2017 )投票,選出心目中的爛片之霸,截止日期係4月6日,賽果將於香港電影金像獎舉行前夕(4月8日)揭曉。