【梁天病逝】曾跟鍾叮噹做義工唱歌 唔計較金錢樂意付出
義工梁天鍾叮噹
資深演員、監製梁天今日在醫院病逝,享年87歲。天叔生前有跟鍾叮噹有義工,今日鍾叮噹受訪時證實天返今日兩點半離世,形容天叔走得安詳。鍾叮噹又透露天叔有人承繼衣缽:「佢妹妹都有個仔承繼佢衣缽,近十年八年都跟住佢、陪住佢。」
鍾叮噹透露3個月前曾與天叔在大埔做義工:「佢有唱歌畀老人家聽,佢身體無事,行得、走得、笑得、講得,不過因為年紀大,都90歲喇,有時要病起上嚟都冇辦法,都走得安詳。」她又形容天叔在台下風趣,心地好,在十幾年前重遇後邀請對方一齊唱歌:「佢唔計較有幾多錢,好難得,佢唔會利用上帝畀到佢好嘅面容、上帝賜畀佢一個好有演戲嘅細胞、恩賜畀佢嘅知名度,而攞住嚟一定要換錢先交換,佢冇。你畀佢佢就要,唔畀佢,佢一啲都唔會話覺得畀任何嘅表示你,佢都係一樣咁樂意去做,當係義工咁做,呢點會好難得㗎!」
鍾叮噹又透露,梁天在家人陪伴下安詳離去,是難得的福份。雖然收到前輩離世噩耗,但鍾叮噹仍感謝梁天家人,因為知道她與梁天相識,才將死訊告知。她已向梁天家人表示願意為梁天的殮葬提供協助。