日前同白姐姐爆出隔空罵戰嘅梁思浩，都有就阿叻發言作回應。佢接受本報訪問時謂:「都係各為其主啫，既然阿叻幫緊TVB，咁一定要咁樣講嘅。我明佢打工都要為老闆講一兩句好說話嘅，真嘅，咁兩、三點(收視)又唔會，但九點呢，佢就唔敢講喇，因為TVB《勁歌金曲》都試過九點，跌為單位數收視，所以兩三點係點都唔會，佢應該唔使跪嘅。」

「叻哥我識咗佢咁多年，佢點都要為老闆講番一兩句好說話嘅，好似我打工嗰兩間電視台，你問到我(講好說話)，我都覺得係啱嘅，但今次口氣大咗啲。」