中國節能環保集團頻頻喺香港買殼投資，Prof J翻查過啲資料，中節能主要從事環保業務，近年積極收集中國地能（8128）、中國節能海東青（2228）同百宏實業（2299）股權，中節能可能將風電業務同再生能源業務先行注入香港上市子公司，亦有可能借香港上市子公司實現整體上市，係中信嘅另一版本！
中國節能環保集團早喺2009年，透過傳媒放風話旗下風電業務已經引入多間戰略投資者，例如全國社保基金同國家開發銀行入股，原先計劃2010年將風電業務成為第一個喺H股分拆上市業務。當時集團亦表示會構思將再生能源業務成為第二個分拆上市嘅業務。
中節能2010年喺國務院批准下，由中國節能投資同中國新時代控股合併而成，係內地唯一以節能減排、環保為主嘅央企，旗下節能減排、環境保護、清潔技術同新能源三大業務，已經成為中國最大嘅可再生能源公司，亦係內地最大嘅污水處理集團之一。
風電業務（中節能風力發電）由2010年計劃嚟香港第一個分拆上市業務，之後同年4月披露IPO資料至而家，一直被外界認為好有上巿嘅「迫切性」，當時考慮嚟香港第二個分拆上市，已經簽約同興建嘅太陽能發電項目裝機1,400兆瓦。有望成為全球較大光伏發電投資同系統集成運營商。
一個咁好彩，俾人揀中做上市戰機就「犀非利」！收到未？