繼本報去年底報道九宗有關電訊公司「任我行」拖欠薪金的投訴後，本報近日再分別接獲六名前任我行僱員投訴，其中大部份指就職期間一直沒有出糧，甚至至今離職後一個多月，仍一直被拖欠工資。勞工處證實確收到任我行拖欠薪金的投訴，現正為僱傭雙方進行調解。

「呢間公司好離譜！次次都話好快會出糧，但一到嗰日又話未有住；重成日唔覆我哋電話，都唔知想拖到幾時！」
六名任我行前僱員不滿說，他們於今年6月至7月相繼入職，並分別於7月至8月期間陸續離職，平均任職時間由十多天至兩個月不等。

暑期工賺取外快
該六名被拖糧員工，平均年齡不超過二十歲，投身該公司任職銷售員，大多為暑期工，趁機賺取社會經驗及外快，豈料兩個月的假期，竟換來被拖欠工資的「滋味」。
其中上班只有十多天便辭職的馮小姐表示，「返呢份工，好似今日唔知聽日事咁，日日唔同返工地點；諗住最終可以苦盡甘來攞到薪水，點知到𠵱家都重係得個桔，一日糧都未出過畀我！」
另外五名員工亦不約而同向記者申訴，他們多次向任我行投訴，要求發薪，但希望總是落空。每月平均約有四千元底薪的他們表示，其中四人上工以來，從未獲發過任何工資，「雖然幾千蚊對好多人嚟講係小數目，但對我哋呢班學生嚟講，就可以有好多用途。」