香港國際賽吸引很多了外賓到訪，是世界馬壇一年一度的盛事，而練馬師告東尼喜歡在這大日子贏馬攞威，上年國際賽日贏三Win，更憑「美麗大師」勝出香港一哩錦標。今期(10日)國際賽日告東尼亦大舉興兵，其中第二場「英勇大師」降至三班有利，勝望甚濃。

第二場三班1200米：「英勇大師」全盛時最高評103分，雖然已經兩季幾冇贏，但早前10月初曾二班同程上名，只負於之後再跑皆贏馬的「平湖之星」及「川河尊駒」，屬高水準二班賽事。目前「英勇大師」80分，今仗能重返三班作賽，更配巫顯東減七磅，實際上以73分上陣，負126磅相當有利。同場有快馬「威先生」在陣，前段步速會快，更加有利「英勇大師」後上爭勝。

同場「英明勇將」上仗後上贏同程，直路最後二百米才能望空衝刺，終點前已勝券在握，表現極出色，今次賽前晨課觀感靚絕，有力再勝。「金太陽」上仗今季首戰即勝，當時狀態只屬初起，証明呢匹五歲英國馬有進步，需要跟進。「彪形猛漢」初戴開縫眼罩，效果未知是禍還是福，可爭不穩！