現年36歲嘅韓劇《巴黎戀人》男星李東健，今年2月先宣佈同女團T-ara嘅24歲成員智妍分手，同月即認戀劇集《月桂樹西裝店的紳士們》嘅34歲拍檔趙胤熙，到今年5月更宣佈奉子成婚。

兩人新婚在即，即獲tvN真人騷節目《新婚日記》第二季邀請做出演嘉賓，根據韓媒報道李東健和趙胤熙現正迎接小生命嘅來臨，但兩人已確認出演節目，現時正與節目組商討細節。

《新婚日記》第一季邀得安宰賢同具惠善做出演嘉賓，兩人奉旨喺鏡頭前晒恩愛。