4年一度的世界盃周四正式開鑼，球迷都引頸期待！本港有不少茶餐廳直播世界盃賽事，希望吸引食客消費。有茶餐廳負責人表示，世界盃期間會設最低消費每位80元，料能較平日多兩成生意。不過，不少市民卻因怕迫而避免外出睇波，寧願留在家中觀賞賽事，「多數喺屋企睇波，出街睇氣氛係比較好，但太多人」。

位於北角的東泰茶餐廳老闆冼先生表示，餐廳近日已安裝世界盃直播的服務，預計舉行世界盃期間會比平日多兩成生意，「其實我都係做熟客、街坊生意，所以冇訂枱服務」。他指雖然沒有推出「睇波套餐」，惟分組賽期間（本周四起）設最低消費，每人「80蚊睇一場波」，又指當比賽進入16強後改設人頭費，暫定每位100元可任飲飲品。

他稱茶餐廳內有11部電視機，今次增設世界盃直播服務花了約3.8萬元，料屆時會增聘1至2名兼職人手，「不過依家（球迷）係多咗好多方法睇波，所以好難預計幾多人嚟睇」。他坦言今屆世界盃戲碼吸引力不夠，「係葡萄牙對西班牙先多人睇，通常反應熱唔熱烈都係睇咩隊出場」。

香港餐飲聯業協會會長黃家和指，今屆世界盃比賽時間雖配合港人作息時間「夜晚9點、12點」，但據過往經驗對普遍食肆來說，世界盃期間生意升幅不多，「好似中式酒樓，食客唔會為場波去食飯……茶餐廳唔會多過10%升幅」，但預料酒吧生意會因世界盃而明顯增加逾20%，「啲人鍾意去酒吧飲酒睇球，一係同朋友係屋企睇高興啲，所以酒吧係大贏家」。

他續指，看一場足球比賽需時約兩小時，「球迷長時間佔用餐廳地方同時間，同一時間流失緊啲散客」，又稱「對一般食肆嚟講，好似茶餐廳要裝電視機，推啲睇波餐吸客又要額外請人手，花時間、精神去搞係好頭痛」，故非所有食肆都會安裝足球直播。

不少市民也表示，寧願在家靜靜地睇波，也不願「出去同人迫」，感受熱鬧氣氛。球迷張先生表示，多數會在家中觀看世界盃，不會出外到食肆，「食肆雖然氣氛比較好，但相對比較迫」。他又指，今年世界盃比賽時間較適合香港人作息，因此「會睇多幾場，但不會特登請假睇波」。球迷葉同學指，平時通常在家中網上觀賞直播足球賽事，「好難聚到班朋友一齊出去睇波」。但適逢四年一度的世界盃，加上已經考完試，他稱若有朋友邀請都會外出到食肆或者商場觀看賽事，支持愛隊阿根廷。

記者 張文鈴、麥卓溢