八方好耐冇見阿斌，噚日見到佢，成個人唔同晒，講嘢好順暢，又健談，而且心情唔錯。阿斌今次露面，係想幫殘疾人士爭取更多資助，佢用緊部輪椅有特殊裝置，20萬一部，隨時貴過一架私家車，多得張學友捐畀佢，一般人好難負擔。
阿斌又話，雖然輪椅好多功能，但佢始終有好多地方去唔到，希望政府喺城巿規劃方面可以更完善。而佢最想去嘅地方，相信政府都冇符，就係同霍金一樣想上太空。阿斌話近來睇好多書，包括中國四大經典，先由《紅樓夢》入手，但因為係文言文，所以睇得好慢。睇得多書，自己都想出書，嚟緊可能會出第二本書，今次唔係勵志書，最想出故事書。