莫雷拉今戰開始停賽，潘頓一心諗住可以趁機追番近雷神，不過好可惜佢剛戰又不小心策騎「隨心隨意」，被判今戰賽後停賽三日，另外仲罰咗六萬，簡直可以話雙失。今早排位後，潘頓乃唯一出足11場之騎師，肯定想趁停賽前追數，況且佢今季三次停賽前都有馬贏，捧佢嘅馬一定有運行。
潘頓座騎中，「勝捷勝」、「有意思」、「榮光大道」、「點解」、「執到寶」及「行善積福」均於上仗勝出或入Q，既然人勇馬又勇，相信當中必有王者興。