日本少女組合AKB前成員板野友美日前來港宣傳3天後，今日結束行程，喺下晝2點幾抵達機場乘搭日航返日本。

頭戴cap帽、拎住手袋、身穿迷你短裙嘅板野，獲十多名fans迎接送機，板野喺登機櫃位完成確認手續，之後由職員帶領步行往職員通道，進入機場禁區接受安全檢查，板野離開前友善地同fans揮手道別，事後大會公關又安排電話，等fans同已經進入機場禁區嘅板野通話道別。