二十九歲自由攝影師Kevin患家族遺傳的侏儒症,雙腳無力故出入須靠電動輪椅;二十歲讀幼兒教育的大專生Macy,身形高䠷,笑容甜美。兩人身高有絕對差距,但二○一三年四月他們在Kevin舉辦的攝影展中邂逅、相戀,去年一月便結婚,之後更誕下女兒Leticia,這名字代表開心、擁有豐盛人生,是Macy對女兒的祝願。
雙十年華已變媽媽,Macy笑稱不介意:「我鍾意老夫老妻嗰種平淡,太過激情唔係好啱我,寧願大家湊住個女一齊開開心心去郊外玩,我哋兩個都比較嚮往大自然。」Kevin指他負責陪女兒玩耍,Macy負責餵奶、哄女兒入睡,兩人坦言因湊女磨擦難免,但無損恩愛。Macy讚丈夫脾氣好,「你好包容,我真係好愛你」。Kevin亦感激太太:「多謝妳生咗個肥肥白白嘅小朋友,多謝妳肯嫁畀我。希望我可以令妳開心。」
■記者金敏俐、黃學潤