鄧健泓噚日小登科，迎娶拍拖5年嘅前女子組合Freeze成員石詠莉，唔少圈中人都有出席，小儀喺ig貼上大合照，見到曾經主持過《閃電傳真機》嘅譚玉瑛、蔡子健同譚偉權，仲有同鄧健泓傳過緋聞嘅蓋世寶都有大方現身。

不過，鄧健泓嘅舊愛龔嘉欣噚晚就去咗新劇《堅離地愛堅離地》嘅飯局，同場仲有張振朗、黃心穎、劉佩玥等。龔嘉欣直言鄧健泓冇請佢去飲，佢話﹕「我諗住做人情㗎，點知佢冇請！」龔嘉欣話佢哋已經好少聯絡，亦唔會刻意發短訊，只會透過傳媒講聲「恭喜」，但佢笑言將來自己結婚就一定會請佢咁話﹕「叫佢到時唔使封人情，當同今(噚)日打個和。」

另外，有指劉佩玥拍劇時掛住打遊戲機俾監製怒剷，又話被龔嘉欣藐爆。劉佩玥否認﹕「嘉欣雖然細過我，但拍戲經驗豐富過我，又成熟過我好多，有需要提點會直接同我講，報道係無中生有。」而龔嘉欣就睇得好化，唔係傳緋聞就係不和，仲覺得不和會好啲。

更多娛聞，喺晒《娛果》
http://fb.com/appledailyent

【minigame】2017瘋暈人物 返工打機唔使擇日
http://bit.ly/2CeWQkP