舊年7月,因為串謀偷竊及串謀詐騙等罪名,被判監6年嘅創維數碼(751)前主席黃宏生,原來喺獄中仍然好關心盤生意,華華噚日見到《21世紀經濟報道》嘅一篇報道,內容提到原來黃宏生每個月都會寫一封信畀創維董事會,對於創維公佈07年度業績,盈利跌咗四成,黃宏生身在獄中,坐立不安,於是就用咗「羚羊的故事」,叫董事會做嘢。
據報道引述黃宏生嘅信話「最善跑的羚羊也會生病的,從病症看來,創維儼如國有企業的官僚機構,一些地方人員嚴重過剩,成本失控;而在精神上似乎也失去了以往那種非贏不可的鬥志。」黃宏生講到明要求創維「瘦身自救」。
華華都好佩服呢位記者可以攞到黃宏生畀董事會嘅書信,更佩服係黃宏生雖然身在獄中,但仍心繫創維嘅精神,但最佩服嘅係創維員工,因為據報道嘅記者話,黃宏生喺獄中勤奮研讀《砍掉成本》呢本書,創維員工家吓就喺書中睇吓有冇自救方法。