當年今日
關於我們

【韓流】朴海鎮人氣爆燈成騙徒目標事務所:粉絲慎防受騙

蘋果日報 2016/03/09 06:00

蘋果香港韓國即時朴海鎮金高恩奶酪陷阱

由朴海鎮、金高恩、徐康俊主演嘅tvN人氣劇《奶酪陷阱》雖然已經播完,但幾位主角依然人氣高企,當中以男主角朴海鎮人氣最勁,佢仲因為高人氣惹嚟唔少不法份子偷呃拐騙,借朴海鎮個名嚟搞活動,同時令朴海鎮粉絲上吊,付出金錢。

為免粉絲無辜被呢啲人呃,朴海鎮所屬嘅事務所就公開官方聲明,提醒粉絲慎防受騙。據知朴海鎮方面近日受到唔少活動嘅邀請,但同時亦有唔少商家刻意借用朴海鎮嘅人氣,自稱係朴海鎮嘅事務所到處行騙,甚至仲有冒牌「朴海鎮經理人公司」,以15萬同25萬美金(約116萬-194萬港元)嘅價格提出同活動單位簽約,出售朴海鎮嘅粉絲見面會嘅舉辦權,十分猖狂。

對此,朴海鎮方面表示:「我哋實在係無法容忍越來越多嘅人持續受騙。為咗讓粉絲今後不再受到類似嘅損失,我哋目前正策劃亞洲巡演、演唱會等活動。另外,日後朴海鎮嘅官方活動等詳細行程將通過官方公開。因此無論係乜嘢活動,都希望粉絲能通過公司嚟進行確認。」

而朴海鎮將於4月23號喺首爾奧林匹克公園SK手球競技場舉行粉絲見面會,同粉絲紀念出道十周年。

另外,早前都因為太操勞而調整工作嘅金高恩近日亦喺首爾江南區新沙洞接受記者訪問,對於健康問題,金高恩話:「由於工作超負荷,所以精神同都吃不消。但咁樣嘅慢性疲勞大家不用太過擔心,我0依家身體狀況好好。」金高恩話因為之前拍完《奶酪》,就即投入廣告拍攝同採訪,所以冇充分休息時間。佢話雖然自己健康出現咗小問題,但並無大礙,未來嘅行程亦按計劃進行。