嚟緊無綫舉辦嘅《2014年度勁歌金曲頒獎禮》,早前就話會放寬條件,吸引同無綫關係「冰封」嘅5大唱片公司歌手參加,然而四大之首環球,就拒畀面無綫,拒絕再玩《勁歌》總選(新聞連結: http://goo.gl/vOzPYo),必令頒獎禮失色不少;點知再雪上加霜,事緣今日有周刊報道,話由Paco黃柏高主理嘅太陽娛樂,都決定唔玩《勁歌》總選。
有指導火線係之前太陽娛樂新人雷琛瑜(J.Arie),之前同師姐薛凱琪(Fiona)上大台慈善節目,但去到現場後,J.Arie就被臨時飛出局,有指當時Paco對呢件事好不滿。報道引述知情人士話:「呢次係導火線,Paco真係唔玩勁歌係因為《2013年勁歌金曲頒獎禮》,有二十首金曲,但太陽娛樂一首都冇入圍,只係得J.Arie同沈震軒拎到新人獎。」
該報道仲問到Paco,係唔係真係唔《勁歌》,佢就話:「最重要係睇歌手有冇期。」哇﹗數數下,仲有邊啲歌手參加《勁歌》總選呢?
12月15號要記低
SeeSeeTVB.Bloody最威
http://hk.apple.nextmedia.com/tvbloody