《蘋果》讀者藍先生稱，他日前到孔雀樓地下「樂韻音樂中心」查詢報名事宜時，發現該中心收生人數超出法例規限，且未有向教統局註冊。
「我初時見佢哋個名叫『音樂中心』，都以為唔使註冊，但見佢哋有搞埋『功課輔導』，即係補習啦！中心裏面學生又多，又冇註冊編號，問職員點解，佢竟然好坦白咁答，唔會搞註冊，因為好麻煩！」

沒有註冊即不受監管
他說，他見音樂中心內擠有不少學生，連同教學教材及枱椅，空間相當擠迫。
「冇註冊即係冇監管，萬一發生意外，可大可小！」
記者以顧客身份前往了解，見音樂中心內房間有六名小學生正在補習，房內存放不少用作教材書本，連同枱椅，通道狹窄。
「樂韻音樂中心」負責人黃小姐向記者表示，每天均提供中小學補習服務，平均每班六至七人，現時中心只餘小量名額，報名從速。
記者翻看宣傳單張時查詢：「乜你哋冇教統局註冊編號嘅？」黃小姐聽罷則答稱，「我哋本身係要搞（註冊），但我哋冇㗎，有冇都冇所謂啦，差唔多㗎咋！搞註冊好麻煩㗎！」