【李八方online】許智峯報喜！挪威國會議員正式提名港人角逐和平獎
蘋果日報 2020/03/01 15:26
挪威諾貝爾和平獎人權許智峯反送中抗暴之戰Guri Melby
小圖為許智峯facebook圖片
開拓國際戰線已經成為香港民主派嘅任務，民主黨立法會議員許智峯同一班民主派上周起亦去咗北歐外訪，希望挪威等北歐國家關注香港嘅人權狀況，為捍衞香港人權、民主自由發聲。
挪威議員梅爾比（Guri Melby）去年10月已預告要提名「每天冒生命危險捍衞言論自由和民主」嘅香港人競逐本年度諾貝爾和平獎，阿峯今日喺facebook傳來喜訊，話Guri Melby日前已正式交咗相關提名畀諾貝爾委員會。
阿峯話，暴政當前，香港同國際社會保持連結好重要，佢好感謝Guri Melby一直關注香港人權狀況，為香港人向國際社會發聲，又讚揚挪威一直喺捍衛人權同言論自由嘅表表者，重申「我們不會忘記手足、不會忘記暴政警暴」。梅爾比去年10月中曾到香港，表示關注警暴問題，對抗爭者嘅勇氣印象深刻。
《果GYM》隨身播 健身壹App過！