當年今日
關於我們

【短片】無敵是最寂寞!

蘋果日報 2014/04/28 06:00

威威寶貝無敵是最寂寞!

薛寶力啱啱禮拜日騎呂健威馬房嘅「晨采」全力出擊,可惜頂唔住「八心之煌」嘅衝刺,屈居第二;不過唔緊要,呢對組合禮拜三晚有機會贏馬補數,第七場「威威寶貝」可以話呂健威嘅招牌馬,季內六戰全入前四名,同薛寶力更係最合拍,人馬喺谷草1200米合作三次,全部贏晒,夠晒勁喇啩,真係無敵是最寂寞!上次所擊敗嘅「愛的呼喚」,再出都差啲勝出,賽事水準有保證。
「威威寶貝」復課薛寶力枕住親操,呢朝佢為隻馬出跳後,落咗馬本來走咗,但結果忍唔住返轉頭,搞一大輪又摸馬頸馬頭,睇得出對佢好愛錫,之後又走去搵呂健威,大家傾咗好耐。講真,薛寶力嘅實力座騎唔多,難得「威威寶貝」當起兼路合,梗係緊張啲㗎喇!」