韓國娛樂圈過去曾多次傳出性醜聞，而今日韓國方面就爆料指一個曾參選過韓國小姐嘅金姓候選人，上年初就利用一條性愛短片嚟勒索大企業社長嘅消息，更公開二人入房的畫面。

據知，涉案嘅金姓女子上年初就同大佢18年嘅男友合謀，約會一名大企業社長到某大廈發生性關係，佢哋更偷偷喺房內裝置攝錄機拍下性愛過程，其後喺6月向對方勒索30億韓圜（約2,100萬港元），事後企業社長就喺12月報警。

日前，法官宣判嘅時間，就表示雖然金姓女子有份參與勒索，亦有取得2,400萬韓圜（約16萬港元）犯罪收益，但因為佢肯認罪同態度良好，所以被判緩刑。

相反，金某嘅男友因為係勒索案主謀，所以被判有期徒刑一年零三個月。