【棟析先機】高伯新鎖定目標 換巴度有力開齋（陳華棟）
蘋果日報 2019/12/10 22:31
雪戰神駒陳華棟棟析先機
雪戰神駒找到谷草1200米為最佳出路
每種度馬方法都有佢嘅贏馬機會，信騎師同馬房攤路、評分高低以至係先人報夢，只要係最啱你嘅方法，都有機會成為大贏家！
啱啱禮拜日（8日）國際賽日，韋達匹「得勝駒」評分跌到落本身低位，就算跑以往未上過名嘅1800米都可以一放到底交出久違勝仗，究竟係咪評分有利就點都得？
阿棟實在答你唔到，但以佢當日表現，你只要信評分極之有利，幾十倍分頭就到你手！
由呢點更睇得出，每種度馬方法都可致勝，只要你相信，就會成贏家。
第九場三班1200米，「雪戰神駒」係另一匹高廐馬，谷草1200米最耍家，廐主亦一早鎖定向此程進軍。
今季三戰都中咗外檔魔咒，場場大外檔起步但表現唔失禮喎，評分肯定仲有上升空間，今次用到愛將巴度執韁，排檔好轉有力打開今季勝門。