沙田馬場有搞作 騎師宿舍進行翻新工程 莫雷拉老早打皮租私家樓住
蘋果日報 2021/05/30 12:30
騎師宿舍莫雷拉沙田馬場翻新
馬會轄下位於沙田馬場範圍內的騎師宿舍
沙田馬場重新開始畀公眾馬迷入場後，眼利嘅馬迷會見到馬場範圍都有地盤或工程。
數一數，馬場範圍有四項建築工程同時進行，都算係近年一項紀錄。
最顯眼係一項係過磅室內正興建上蓋，預計下季季初完成，日後盃賽頒獎就會喺呢度舉行，唔駛再會擔心落雨。
早前傳媒都有報道過，會員席入口外正興建供會員使用嘅停車場，預期2023年峻工，唔再多介紹。
跟住所講嘅其餘兩項工程對圈中人有所影響，其中喺副練宿舍旁邊，正興建一座約十層高嘅電腦資訊大樓，顧名思義日後就係馬會IT部門嘅基地。
馬會喺銅鑼灣總部辦公室一早已爆滿，IT部門曾經試過一拆三，喺總部、沙田馬場同太古坊租寫字樓返工，當呢座大樓喺一年半後落成，佢哋可以「合為一體」!
對騎練嚟講，騎師宿舍嘅翻新工程有最切身嘅影響，由三座建築物組成之騎師宿舍，目前有一座進行外牆翻新工程。
宿舍單位亦輪流裝修，宿舍建築群已經有超過40年樓齡，大維修在所難免。
莫雷拉不是沙田馬場騎師宿舍住客
但騎練好多時未天光就開工，到朝早9、10點收工後就要補眠，休息時遇正樓上樓下鑽牆。
如果受噪音影響睡眠質素，繼而影響到陣上發揮，真係有講不完嘅委屈。
莫雷拉自從由日本回流返香港馬圈後，自己租住私樓，冇呢種煩惱，令好多外籍行家羨慕。
撰文：林湛穎
-----------------------------
借錢點先可以賺到盡？
借錢點先可以賺到盡？梗係要現金回贈越多越好啦！只要喺 2021年4月1日至2021年6月30日期間首次提取貸款，可即場獲獎賞現金高達港幣$5,000 ▲！
利用轉數快，足不出戶就完成手續，仲可以實現貸款瞬間過數^，星期日都照批★！。
推廣期由2021年4月1日至2021年6月30日 (包括首尾兩天)
須受條款及細則約束，詳情留意邦民日本財務(香港)網頁。
忠告：借錢梗要還，咪俾錢中介
放債人牌照號碼：1328/2020
查詢及投訴熱線：3199 1199