【佐敦之虎案】卧底叫她「普通朋友」 她叫卧底「我條仔」
佐敦之虎普通朋友以三合會社團成員身份行事卧底警
【新增動新聞】
警方2015年執行代號「翡翠刀(Jade Cutter)」卧底行動,派探員滲入黑幫和勝和搜證。惟卧底警員被質疑在行動中結識多達40多名女子,當中絕大部份甚年輕。辯方更指卧底與其中一名與案有關女子Mena拍拖,Mena的名字出現在卧底的流水簿上,二人曾在酒吧做出親密男女才會做的行為。卧底庭上否認,聲稱兩人僅屬普通朋友。不過,本報找到女主角在社交網站的帖文,顯示卧底行動曝光後,女主角似仍對卧底念念不忘:
「有一種愛明明是深愛,卻說不出來……有一種愛明知無前路,心卻早已收不回來。」
案中女主角姓馬,洋名Mena,其社交帳號目前暫停運作。Mena曾在帖文內稱卧底警員鄭皓瑋為「我條仔」,並提及二人拍拖,顯示二人關係非一般。庭上證供更披露,女方將卧底化名的「維」字,紋身紋在肩背,辯方因此質疑:「普通朋友會紋個名?」
臥底強調,他與Mena是普通朋友,不知她紋上「維」字,反而自己能隨時陪伴首被告「佐敦之虎」陳家建外出,覺得陳「對我有好感」。此言一出,惹來庭上眾被告失笑。
Mena在卧底行動曝光後多次在社交帳號貼文「追憶」卧底,曾上載卧底的照片,並寫下:
不過,Mena聲稱對卧底的警察身份毫不知情,去年7月中更發佈數百字帖文,力數卧底的同門兄弟經常找他外出蒲夜總會,所知應該比她更多:
「真係好X好笑,嗰時我知我條仔係臥底嚟架?我都係被通知架咋,嗰時拍拍下拖你老味成日打嚟搵佢夾佢落去,又捉佢去食飯去夜總會去呢度去嗰度,唔知仲以為同我爭仔咁款,仲同我講佢好乖唔媾女架,佢出嚟只係陪我幫我做嘢。」
「我嗰時搵佢唔到或者佢出咗事,我都係問佢身邊啲兄弟先知佢做緊乜嘢,連叫佢入屯門做嘢、差啲連條命都無X埋呢單嘢,我都係分咗手後先喺其他人口中聽返嚟,我知嘅嘢真係有幾多吖。」
Mena又在帖文中控訴被人滋擾,要求她找出卧底的「痛腳」和罪證,但她坦言所知不多:
「爆咗針就嚟煩我,又叫我爆佢啲嘢出嚟,用下腦都諗到啦,佢明知自己係差佬,會唔會白紙黑字send wts同我講佢做過啲乜嘢知法犯法嘅嘢吖,白癡到等爆針後畀人拎出嚟、推翻晒自己呢兩年所做嘅一切吖?」
「佢食嘢邊個叫架?關事嗰啲唔爆佢?個個都搵唔到佢痛腳,就覺得我係一定搵到嘅?一定要我爆?我可以爆啲乜嘢?上庭作文吖!自說自話又乜嘢證據都無,個官睬你都有味啦,唔X出庭爆響口就搞X我?搞X死我都無用,唔知就係唔X知!幾廿歲人個腦仲生喺屎忽度,我真係X你老母。」
Mena的朋友留言安慰稱「別理他們」,Mena回應道:
「你兩個知嘅仲多過我,我真係畀你哋大佬激X死,個腦生喺屎忽度。」