當年今日
關於我們

【午市急CALL:重溫】特朗普記招無料到? 古天后:出招都唔會話你知!

蘋果日報 2020/06/02 13:57

唐牛古天后午市急CALL

市場普遍認為特朗普上周五記者會雷大雨小,證監會持牌人古天后指「我唔會當佢無料到」,又解釋美國出招不會預先通知,「唔會話你知幾時做啲乜,唔會曬冷一次過」,相信兩國角力會比較反覆,「唔出招咪乘機炒上去」,初步維持上落市格局。蘋果專欄作家唐牛補充,「你講咗咁多壞消息,點解大市仲可以在現水平企穩?」,現階段只能信資金,資金的確要買上,實在難以調轉炒,「惟有將交易區間拉闊至23,500點至24,500點」。
另外英國《金融時報》報道指東亞(023)正與財務和戰略投資者就出售香港和中國內地銀行業務進行初步討論,多位觀眾問及東亞(0023)前景,其中有一位指自己持有幾注東亞股份,買入平均價大約18元,想知道是否有機會返家鄉,古天后指,現時股價已裂口上升,「若出售中港銀行業務,東亞仲剩低啲乜?」,並指目前股價與其買入價相差不遠,況且目前未知售價,「未必一定好正嘅價,如果個價稍有差池,咪又係沽落去」,宜儘早沽售。東亞其後澄清未就出售香港或中國內地銀行業務與外界進行討論,亦未就銀行業務和資產的策略選項作出任何決定,古天后續提醒有貨觀眾把握時間「逃生」。
本周推介股方面,古天后推介新東方在線(1797),疫情後資金看好線上教育股份,「4月份見高位後回落,喺30蚊有不錯支持,今日再突破,升穿$35,就博佢呢轉破頂」,建議目標價為39元,止蝕價31.5元。
唐牛今日則推介屬私有化概念股的寶業集團(2355),指公司早前發出通告指有意私有化股份,資產淨值(NAV)高達17元,與現價有大折讓,「如果博私有化,假設公司出價10蚊,都有好大水位」,從圖表分析而言,「行咗兩大棍,而家整固中」,續提醒散戶留意公司會於下周公佈私有化進度,有機會因而炒上,目標價7.2元,止蝕5.9元,又指此股成交較疏落,建議小注一試。
本周推介
古天后 新東方在線(1797)目標$39 止蝕$31.5
唐牛 寶業(2355)目標價$7.2 止蝕$5.9
【午市急CALL】中美全方位擘面 古天后、唐牛同大家揀股!
日期:6月2日(周二)
時間:12:45PM – 13:15PM
主持:Willa
嘉賓:證監會持牌人古天后
嘉賓:蘋果專欄作家唐牛
WhatsApp號碼:6398-9469
重溫網址
empty
市場普遍認為特朗普上周五記者會雷大雨小,證監會持牌人古天后卻指「唔會當佢無料到」,相信兩國角力會比較反覆,料大市初步維持上落市格局。
empty