新一季日聯下周六開鑼，先由廣島三箭（右）及大阪飛腳揭開序幕，周六於橫濱日產球場合演日本超級盃。三箭實力強勁，加上近兩次踢日超盃均於法定時間內贏波捧盃，故受讓飛腳平手/半球，下盤絕對值博。（球賽編號：星期六1；有線61及201台今日12:35pm直播）
三箭季前雖然有於上季聯賽入21球的巴西前鋒戴恩費斯杜格拉斯轉戰中東，但從清水心跳借來曾於比利時、丹麥及中國等地比賽的尼日利亞前鋒彼得烏達卡，加上千葉和彥、青山敏弘及佐藤壽人等主力留隊，故整體實力絕不會差過上季。早前他們先後約戰町田澤維亞、橫濱水手及大阪櫻花取得兩勝一負，肯定有助提升狀態。

飛腳開「咧」前從水手簽入中場藤本淳吾及收回巴西前鋒艾迪美臣巴拉加，配合原有的宇佐美貴史、遠藤保仁及今野泰幸等，陣容相當完整。然而，這支大阪市球隊開季表現慢熱，對上六季首場正式比賽只取得一勝兩和三負，加上近年與三箭交手四戰僅得一勝一和兩負，故要讓波似乎不太值捧。
三箭對上兩次踢日超盃均於法定時間贏波捧盃，包括2014年贏水手2:0及2013年贏柏雷素爾1:0，故周六鬥飛腳受讓平/半，取下盤兼敲主W。賽制方面，賽事不設加時，90分鐘內打和即互射12碼分勝負。文：青蛙仔