新一屆立法會會期10月中開鑼，意味民主派會議召集人一職都會交棒。八方之前都提過，新一屆召集人將會由議會陣線議員毛孟靜（Miss Mo）接棒，但暑假都就快完嘞，點解Miss Mo仲未上任呢？八方問過Miss Mo，原來交接工作因為超強颱風「山竹」而延遲，原本佢同上任召集人莫乃光約咗上周一交棒，但因為「山竹」來襲，Miss Mo連屋企門口都出唔到，畀個風吹一吹，上周嘅交接亦告吹。

雖然據聞10月初，香港風繼續吹，但民主派召集人交接總要有限期，最終延遲到聽日（27日）正式交接，所以本周四開始，Miss Mo就會正式成為民主派會議召集人喇！聽到硬橋硬馬嘅Miss Mo做召集人，唔知建制派會唔會「聞Mo喪膽」？

Miss Mo當然大地任我行，唔怕任務艱巨，上任後首要工作就係同建制派討論新一屆會期小組委員會嘅主席、副主席安排，佢話早前已經同建制派副班長民建聯陳克勤有溝通，引述對方話，建制派都未有共識，似乎要等下月中情況先至比較明朗化。

立會補選新聞，《蘋果》一網睇晒
http://bit.ly/appledaily1125