大摩馬房、田北俊家族的「忠心勇士」在新馬賽兩出兩捷，姿態超級，令大摩都話佢有昔日旗下馬王「步步友」（已退役）嘅影子。

在明天（7月1日）沙田日賽，呢匹超新星插入三班，初跑轉彎賽第八場草地1200米，梗係萬眾矚目。

不過可能大家都遺忘咗一件事，隻馬喺6月18日本應參加田草大閘，但就退出咗，究竟係咪因為有傷呢？

《蘋果》記者就問過大摩，原來匹馬生咗個大瘡喺右前肩同右前腿之間的位置，叫做shoe boil，大摩解釋因為馬匹瞓覺時屈曲住隻腳，蹄甲壓住肩部位置，令血液不循環，而形成一個大瘡。

早前「忠心勇士」已服用抗生素治療，雖然現時粒瘡未除，但大摩強調沒有大礙，跑起來不會痛，而近期馬匹操練亦正常，狀態非常fit，相信今次插入三班可照贏馬。

-----------------------------
7月4日起 《蘋果動新聞》只限升級壹會員閱覽
繼續撐蘋果！