組合MIRROR原定今年舉行演唱會，但因受到武漢肺炎疫情影響，演唱會要第二度延期，暫時未知正確舉行日期，Alton表示延期涉及各種因素，但他們可以把握這段時間製作更多好作品，將更有特色的演出帶給歌迷，希望大家拭目以待。最近MIRROR亦終於推出新歌《IGNITED》，日前12位成員Lokman、Anson Kong、姜濤、Ian、Anson Lo、Edan、Stanley、Jeremy、Jer、Alton、Tiger及Frankie再合體拍攝MV，而拍攝當日適逢是Ian的27歲生日，大家齊齊唱生日歌送上蛋糕為Ian慶祝。對於隊友突襲送上驚喜，Ian也展露出驚喜表情，他表示今年生日願望最想世界和平：「喺疫情之下，更加希望人人有工開，不過就早啲收工啦！」

隊長Lokman談及相隔7個月才再有新作，正如歌曲名稱一樣，他們被燃點有種熱辣辣的感覺，曲風跟以前有很大分別，感覺較Funky，想給歌迷有新的感覺。Edan則指今次是一次體能上的大挑戰：「Funky版趣味啲，對於姜濤、Anson Lo佢哋型開嘅就困難少少，Remix版感覺K-pop啲，我哋亦有拍一個Dance Version，要一鏡過。上次《Reflection》跳咗30次，真係崩潰咁滯，希望今次可以快手啲。」

隊員最後亦不負所望，連拍6 take花姐便收貨。經理人花姐今次再重操故業，繼Jer的《水刑物語》後，再次為MIRROR擔任MV導演，但拍攝一開始便發生小意外，Stanley說：「我哋第一次用360舞台拍攝，好有型㗎，而我又好彩係第一個拍，但好不幸我好有型望住個鏡頭一眼，個Cam嘅轉台就壞咗，之後攝影師要人手Keep住轉個Cam先可以繼續拍攝落去。」

-----------------------------
打國際線 《蘋果》英文版免費試睇 按此了解更多
英文版已登錄新版《蘋果》App按此下載/更新