《蘋果日報》慈善基金舉行「慈善高爾夫球賽2018」，任達華同壹傳媒集團非執行董事葉一堅主持開球禮華哥同堅哥喺開球禮時一齊打出彩帶球，為慈善賽揭開序幕。

華哥開球禮後還留步睇堅哥、鄧梓峰同林敏驄打第一球，為佢哋打氣，華哥講到同郭雲飛分享讓老婆貼士，華哥話：「咁樣女仔會開心啲，男仔要付出，令女仔開心，咁世界亦開心。」

華哥表示有喺呢個場打過高球：「呢個場靚。」華哥訪問期間，阿驄經過，華哥點名話阿驄好犀利，讚佢係「波神」，華哥仲話：「我點都打唔贏佢，世界幾好波，Tiger Woods都唔夠佢打，阿驄把口好犀利。」阿驄聽完，好幽默咁話：「波嘅嘢我有少少研究，有彈性球類特別喜歡。」