一場「雨傘革命」,令梁振英紅遍全球,以至澳洲傳媒亦報道有關呢位特首嘅黑材料。蘋果財經當紅專欄作家葉朗程,睇到呢單新聞後,於facebook出Post話:「梁振英的五千萬,耐人尋味。年幾前寫過一篇,叫做《葵扇Dee的秘密》,邪。」
呢篇文主要係講,有日佢同個客食飯,個客問佢「貪污未必要坐牢,殺人不一定要填命,因為有股力量,是完全凌駕在法律之上的。你哋知唔知道係乜嘢?」
然後個客就話,呢種力量就係政治,仲講咗一個「水晶球城市」嘅故事。故事係話係人都知,呢個城市嘅市長,係受黑暗帝國控制。呢個市長明明不得民心,好想唔撈,但佢冇得揀,因為黑暗帝國正正係想要個傀儡。至於黑暗帝國揀市長其中一個標準,係睇佢有幾多「痛腳」喺黑暗帝國手上,將來市長唔聽話,呢啲「痛腳」就可以好似「鋤大Dee」出牌咁,逐張用來要脅。
話說今日有個市長,佢想違抗聖命唔撈。於是帝國就出第一隻牌,消滅市長身邊的李連英。於是市長就知收到Warning,唯有乖乖聽命。
呢個故事,真係同香港局勢好似,似到似本預言書。重申一次,呢篇文係上年年中出,如果真係其事,即係現實中嘅「李連英」已經被消滅。
而文中嘅主旨係,呢個遊戲就好似「鋤大Dee」咁,勁嘅牌一定係重要時出。好啦,睇返今日局勢,報道梁振英涉貪新聞嘅記者,以前駐過京,亦隱悔地講,消息來自中國。套番落「水晶球城市」故事,今次嘅黑材料,恐怕會係其中一隻「牌」,至於係「梅花A」定係「葵扇Dee」?就真係唔知了。
【文章重溫】
【情陷夜中環:葵扇Dee的秘密】(葉朗程)
http://bit.ly/1BUei5g