【素顏都咁靚】49歲吳婉芳keep住靚靠敷mask 洗面要乾淨

蘋果日報 2016/09/21 14:40

蘋果香港港姐胡家驊吳婉芳

下個月係49歲生日嘅前港姐、86年嘅亞軍吳婉芳,自從嫁咗俾商人胡家驊,婚後退出娛樂圈生咗兩仔一女,之後過住幸福嘅少奶奶生活,得閒陪吓老公去馬場拉吓頭馬,唔經唔覺,大仔Caspar今年喺倫敦大學經濟系以一級榮譽畢業,依家讀緊碩士課程,細仔Lynus喺牛津大學讀Year3,操得幾大隻,話晒生活無憂,心境當然保持開朗,所以佢嘅凍齡能力好驚人,依家望落去個樣同選港姐嗰陣都冇乜改變,好有一種天然無添加嘅感覺!
今日有周刊報道,日前佢同大仔Caspar喺中環行街街,素顏上陣兼住一副眼鏡嘅吳婉芳,望落個樣真係一啲都似48歲,佢哋母子之間嘅感情好好,阿仔行街都會撘住阿媽個膊頭,之後佢又會合細女,望落去有啲似兩姊妹添!聽講佢除咗會打坐練氣功之外,仲唔煙唔酒,一星期敷兩、三次面膜,洗面嗰陣仲一定要徹底乾淨,所以到依家仔大女大,一啲冇心師奶味,果然得天獨厚。